|
فى لقاء تليفزيونى مع
الإعلامى أحمد شوبير فى برنامج " كورة النهاردة " الذى يُقدمه على قناة
مودرن سبورت تحدث كريم حسن شحاتة نجل حسن شحاتة مدرب الزمالك المُستقيل عن العديد من الأسباب الخفية وراء إستقالة المعلم , وتلخص الحوار فى الآتى :-
- حسن شحاتة بقاله يومين مش مبسوط , وفوجئت بحماده أنور بيكلمنى الصبح وبيقولى إلحق الكابتن حسن جه النادى وبيلم حاجته وهو حاول يعطل الإستقاله لحد ما أنا أجى .
- الكابتن حسن قالى إنه بقاله أسبوع من ساعة مشكلة شيكابالا وهو ميعرفش السبب فى اللى حصل , وقاله إن شيكابالا هو أكتر لاعيب عاملة معاملة خاصة وأكتر لاعيب كان عنده مشاكل دارينا عليها وإتغاضينا عنها , وهو شاكك إن فى حد شحن شيكابالا الفترة اللى فاتت عشان يعمل كده .
- الكابتن حسن كان حابب إنه يثبت لشيكابالا عملياً أما مسك الزمالك إن هو نجم الفرقة وكابتن النادى , لكنه فى الوقت نفسه الزمالك جابه عشان يعمل نظام فى فريق الكرة , وهو وافق عشان مينفعش يشوف النادى بقاله فترة مبياخدش بطولات ويرفض وهو حابب يخدم النادى ويعمل لنفسه تاريخ فى الزمالك , لكن عشان يتحقق ده لازم منغيرش النظام اللى ماشيين بيه وفى لاعيبه مساعدتوش فى تطبيقه , فى نفس الوقت صعب أتعامل مع لاعب من غير ما يكون فى موقف من مجلس الإدارة , وهو كان حابب يشوف رد فعل الإدارة الأول .
- صعب التوفيق بين المعلم وشيكابالا حالياً , وإيه المنتظر يحصل بعد الموقف ده واللاعب عاوز يشتبك معاه , ولازم يتاخد قرار عشان الجهاز يفرض النظام .
- مشكلة ميدو إن الكابتن حسن مش حاسس إنه هيستفاد منه فنياً , مع إن أول ما مسك الفريق ميدو إتكلم معاه وقاله إجتهد أى حد يتمنى يكون عنده مهاجم زيك , وأما كان ميدو عنده 10 أو 15% من مستواه كان بيلاعبه .
- الكابتن حسن قدم إستقالته عشان يرفع الحرج عن مجلس الإدارة , وهو فى كل الأحوال كسبان لإنه إحترم نفسه وتاريخه وناديه اللى مينفعش يحصله كده فيه , وهو حافظ على مبادئه وناديه محافظش عليه .
- مجلس الإدارة شايف إن نجومية شيكابالا أعلى من حسن شحاتة كمدرب , وهما بيضيعوا قيمة حسن شحاتة وبينصروا لاعيب على مدرب , والزمالك هيفضل طول عمره كده بعيد عن المبادئ .
- صعب الكابتن حسن يدرب الأهلى الفترة اللى جاية , ومش هيتمسك بالشرط الجزائى عشان ده نادى الزمالك .
شاهد الفيديوهات
|
