دخلت رانيا علوانى عضو مجلس ادارة النادى الأهلى فى مشادات كثيرة وجدال مع عدد من مشجعى النادى الأهلى عبر حسابها على تويتر.
البداية عندما كتبت رانيا علوانى تفتخر ببعض المكاسب فى اللعبات الأخرى ،حيث كتبت: حد تاني واخد باله ان رياضتنا وأبطالنا السنة دي زي الفل في كل اللعبات، إلا الكورة، هما دول اللي يستاهلوا بجد عاش أبطال مصر.
وكان الرد من عدد من المشجعين كالأتى ، فالبعض قال: لا احنا واخدين بالنا من الفشل المستمر في الاختيار جوه النادي من يوم ما المجلس مسك وكنتوا معشمنا أن النادي في طريقه الصحيح للإصلاح وإعادة مكانته وفي الآخر طلعنا بنغرق أكتر ما كنّا.
وفى رد من علوانى على حصول الأهلى على الدورى قائلة: حضرتك خدت الدورى، رد مشجع أخر: لا حضرتي طلعت بفضيحة من صنداونز وخسرت من بيراميدز في الكأس ولو المقياس الدوري ما مجلس الاستاذ محمود طاهر كسبه يبقى وقفنا ضدهم ليه.
وانتقد الكثير فكرة اختيار مجلس ادارة الأهلى للمدرب الجديد السويسري رينيه فايلر، للترد علوانى: احنا ما اختارناش، اللي اختار لجنة كلكم عارفينها، حاسبوها هيا علي اللي فات واللي جاي، مش تيجوا على اللي هايرد عليكم بأدب.
وتابعت: أنا ما عنديش حاجة أخاف منها، ومجلس الإدارة ما اختارش حد ولا المرة دي و لا اللي قبلها، وأظن الكابتن واضح جدًا في الإعلام أن هو محدد اختصاص جهاز الكرة كويس
