انتقد الكاتب الصحفي صبحي عبد السلام تصريحات أيمن ممدوح عباس عضو لجنة الاستثمار في الزمالك بشأن مستقبل اللاعب أحمد السيد زيزو لاعب الفريق.
وكان عباس قد تحدث من خلال تصريحات له اليوم قائلا: الموضوع مش بالنجوم الموضوع بالرجالة .. مينفعش يكون في فروقات كبيرة بين اللاعبين وبعض .. لأن اللاعيبة بتجري نفس المسافة وبيلعبوا نفس الوقت .. الفلوس لازم تكون قريبة من بعض.
وتابع: زيزو لو جدد أو مجددش الزمالك هو اللي عمل زيزو وبن شرقي ولاعيبة كتيرة جداً ودائماً هيبقى في نجم تاني وبديل كويس اهم حاجة وحدة الفريق والناشئين بتوعنا
تصريحات وصفها البعض أنه ربما تكون مقدمة واضحة لإمكانية رحيل زيزو عن الفريق، ولكن يبقى السؤال، هل من الممكن أن يكون قرار رحيل زيزو يأتي من شخص خارج مجلس الادارة مع كامل الاحترام له
صبحي عبد السلام ومن خلال تصريحات من خلال حسابه على موقع التواصل الاجتماعي فيسبوك تحدث قائلا:
أيمن ممدوح عباس اللي بيجهزوا له كرسي الزمالك، قالك زيزو يمشي لأنه هياخد فلوس كتير، وباقي اللاعبين بيجروا نفس المسألة وبيلعبوا نفس الوقت، تصريح كارثي، زي أبوه لما قال قبل كده ان صلاح لا يصلح للعب في الزمالك.. مستقبل أكبر قلعة رياضية في مصر !
