|
قال الإعلامى خالد الغندور فى برنامج " الرياضة اليوم",
الذى يُقدمه على قناة دريم1, أن ممدوح عباس لا يصلح لرئاسة نادى الزمالك .
وإستدل الغندور على حديثه باللاعب بشير التابعى, عندما عاد للزمالك موسم 2007/2008, موضحاً بقوله " روحت كلمت بشير عشان يرجع, ولما عرضت الموضوع على ممدوح عباس قالى ياريت هاته وهديله فلوسه كاش, قولت لبشير ووافق ولما رجعت لعباس وقولتله إنه خلاص جاى وهياخد فلوسه كاش, قالى لا مفيش حاجة من دى هما 50% لما يمضى و50% بعدين, عرضت على بشير ووافق ولما راجعت على عباس إتفاقه قالى لا, هياخد عقده على 4 دفعات, أقنعت بشير وخد أول شيك راح يصرفه لقاه موقوف لحد ماتوصل بطاقته الدولية, ساعتها إتنرفز جداً وراح على الأهلى عشان يمضى, لولا صاحبه عمرو الجندى " .
وأضاف أن ممدوح عباس يُغير إتفاقاته, ولم يعد يُحب الزمالك عندما أصبح رئيسه, مثلما كان خارجه, وكل ما وعد به لم يُنفذ, حيث إنهار الفريق على يده .
وأتم الغندور حديثه قائلاً " الزمالك مؤسسة مش شركة ممدوح عباس, قولت عاوزين نيجى بالإنتخاب وجيتو معملتوش حاجة, وكلام مرتضى منصور طلع صح, الفلوس مش بتروح فى مكانها, واللاعيب أبو مليون بتجيبوه بـ7 مليون, وخليتوا اللاعيبة الزملكاوية تكره تيجى النادى وبتفضل عليه إنبى وبتروجيت " !! .
شاهد الفيديوهات
|
