|
إتهمت روكسان حلمى عضو مجلس إدارة نادى الزمالك المُستقيلة,
اللواء صبرى سراج بمحاولة تشويه صورتها, عندما أعلن أن إستقالتها جاءت بسبب الإستغناء عن نجلها من فريق السلة .
وأوضحت روكسان فى تصريحات لبرنامج " الرياضة اليوم", الذى يُقدمه الإعلامى خالد الغندور على قناة دريم 1, أن نجلها حصل على الإستغناء منذ شهر مايو ووقع بالفعل لنادى آخر .
وقالت " الزمالك بيُدار بطريقة غلط .. وأنا كنت هستقيل من شهر أبريل بعد ما ممدوح عباس خد قرار مُنفرد إنه يمشّى 59 عامل بحجة الهيكلة الإدارية " .
وأضافت " الناس دى بتدعى علينا, وأنا مش هفضل مستنية أما يتدعى عليا, والمفروض الهيكلة تبدأ من الموظفين والمدراء اللى مرتباتهم زيادة وأعدادهم فوق المطلوب, مش من العمال الغلابة اللى مرتباتهم كلهم على بعض متكملش 10 أو 15 ألف جنيه " .
وإختتمت روكسان حديثها قائلة " الدليل على إن النادى بيُدار غلط إنهم مانعين الأجهزة الرياضية من العمل فى مناصب تانية بره النادى, وهما أساساً مش بياخدوا مرتباتهم من 11 شهر, طب هيعيشوا منين ؟!, والإدارة سايبة كل حاجة وماسكة فى فريق الكرة, وسايبين فريق زى اليد بيجيب بطولات ورافع راسنا " .
شاهد الفيديوهات
|
