أعرب رحاب أبو رجيلة عضو مجلس إدارة نادي الزمالك السابق، عن سعادته بفوز فريق اليد للأبيض على نظيره الأهلي أمس، وتحدث عن نهائي أفريقيا لليد عام 2017.
وقال "أبورجيلة" عبر حسابه الشخصي بموقع التواصل الاجتماعي "فيسبوك" : من الحاجات الجميلة اللى الواحد شافها فى فرقه الهاندبول هو شخصيه الفوز والثبات الانفعالى قبل المباراة واثنائها وده للاسف بنفتقده فى فرقه الكورة فى نهائى افريقيا لليد ٢٠١٧ فى تونس ضد الترجى دخلنا الملعب مليان لاخره جمهور الترجى بصراحه حاجه تخض والصوت فى الصاله بيرن الواحد بعشرة.
وأضاف، دخلت ممر غرفه الملابس لقيت ادارى فرقه الترجى ومسؤلينهم وشهم احمر وعلامات القلق والتوتر على وشوشهم اللى هو انا هو أنا دخلت غلط ولا ايه هو مين بيلعب فين وانا قاعد فى المقصورة حتى وهما فارقين ٤ بونط بس متوترين وقلقانين.
وأتم عضو مجلس إدارة الزمالك السابق ، لحد ما الحمد لله ربنا وفقنا وكسبنا فهمت ساعتها التوتر والقلق ده كان سببه ايه.
