حرص أحمد عيد عبد الملك نجم نادي الزمالك الأسبق، والمدير الفني لجولدي، التعليق على فكرة عودة محمود عبد المنعم "كهربا" إلى صفوف القلعة البيضاء.
وقال "عيد" عبر حسابه الشخصي بموقع التواصل الاجتماعي "فيس بوك" : بص يا جماعة انا كتبت بوست امبارح علي كهربا وقلت انا ضد انه يرجع وهو ده رأي لو بعد ١٠٠ سنة انا ولا بعرف الف ولا بدور كهربا صاحبي وحبيبي واكلنا مع بعض عيش وملح اكيد.
وأضاف : هو اتقاله كلام قبل ما يمشي ومتنفذش واتقاله كمان هتقعد بعقدك ده في اخر الكلام اذا كان عاجبك هو بقي شايف الي عامله ده صح او غلط دي حاجة ترجعله وهو ده مصيره انا بتمني ليه التوفيق في اي مكان بعيد عن النادي يكون فيه.
وأتم : اكيد بردو انا زملكاوي وواحد من الجمهور ومش عاوزه يرجع .. امبارح انا قلت كلامي بعد ما المشرف علي الكرة اتكلم والغلط هيبقي من النادي لو رجع بس كدة، أخر حاجة بقي انا ولا محتاج شغل في النادي مع انه ده شرف لاي حد ولا محتاج اميس واهجص علي الجمهور علشان يحبني الحمد الله والشكر لله الواحد حاسس بنفسه كويس.
