سخر تركي آل الشيخ مالك نادي بيراميدز ورئيس هيئة الترفيه بالمملكة العربية السعودية، من مجلس إدارة النادي الأهلي برئاسة محمود الخطيب.
وكتب "آل الشيخ" عبر صفحته الشخصيه بموقع التواصل الأجتماعي "فيسبوك" : هاحكيلكو حدوته صغيره ..نجم فريق كرة قدم كان سعيد وبيسعد جمهور فريقه انتهى عقده وطلب ١٠ جنيه راتب عشان يجدد لإن ده اخر عقد ليه وهو لاعب دولي كبير وعاوز يأمن مستقبله يتقال له لا لإن عندنا سقف للرواتب فيروح يدور على مستقبله فيقولوله بمساعدة صديق ( مش انا ) ارجع احنا موافقين ويطلعوه بعد ما يمضي بساعات ويقولوله رجعنا بكلامنا.
وأضاف : ويروح وتلف الدنيا وبعدها بشهور يروحو جايبين لاعب مش في المنتخب ويدوله راتب ١٥ جنيه ولاعب تاني برضو مش في المنتخب وليه سنه علي الدكه ويدوله في ٦ شهور ٢٠ جنيه يبقى دي مش إداره أو سيستم ده بيزرعو فجل ( طبعا انا بقصد واحد ) وتلف الدنيا ويرجع اللاعب اللي كان بيسعد جمهوره ويهزمهم مرتين، ربنا كبير، اه افتكرت كان خايف اني اخذ منه اللقطه.. سبت ليك اللقطه بس طلعت بدون الوان، وعجبي.
وفاز بيرميدز على الأهلي أول أمس الخميس بهدف عن طريق كينو، في اللقاء التي جمع بينهم على ملعب بتروسبورت، ببطولة الدوري العام.
