قام أحمد عفيفي بتوجيه رسائل إلى جماهير الزمالك بعد الإنصياع إلى بعض قرارات مجلس إدارة الزمالك خاصةً قرارات مرتضي منصور.
و طالب عفيفي جماهير الزمالك بالوقوف إلى جانب الجهاز الفنى بقيادة إيناسيو و عدم مهاجمته على الإطلاق حتى ينجح ، و هذا ما نشره عفيفي عبر موقع "فيس بوك" بالحرف :-
"بتجيب مدرب .. اللاعيبة بيلعبوا معاه اول ماتشين .. بيخذلوه .. معظم اللاعيبة ماتش فوق و عشرة تحت .. بيحيروه .. يبتدي يشوف المشكلة فين و في مين .. على ما يشوف يكون خسر ماتشات .. بيمشي المدرب .. بييجي مدرب جديد .. اللاعيبة بيلعبوا معاه اول ماتشين .. بيخذلوه .. معظم اللاعيبة ماتش فوق و عشرة تحت .. بيحيروه .. يبتدي يشوف المشكلة فين و في مين .. على ما يشوف يكون خسر ماتشات .. بيمشي المدرب .. و نعيد المسلسل لكن بمدربين مصريين لا امل فيهم ثم يأتي الاجنبي .. يعيش نفس المسلسل تاني.
إبقاء أي مدرب مهما كان مستواه او ما تعتقد انه مستواه بشكل مستقر يخليه قادر يعيش الفيلم لآخره و يفهمه فيصحح فيه أفضل من التشكيك فيه و اقالته او تزهيقه و البداية من الأول كل مرة .. كل بداية جايه هتكون شبه كل بداية عدت .. انا مبقولش كلام جديد .. مبقولش مفاجأة .. مشكلتنا بس اننا بنتفاجيء كل مرة كأنها اول مرة ولما بنغضب بناخد نفس رد الفعل بتاعة كل مرة و نعيد المسلسل من أوله بلا نهاية
اقفوا مع المدرب ضد اي تصرفات محفوظة و مكررة من مرتضى."
