والله حلمك كبير بس 7 نقط و تحققه ، كان ممكن فى هذه اللحظه تكون حققته او على أقل تقدير نقول فاضل 4 نقط ، يعني الموضوع مش صعب بس محتاج لحد بيحس .. حد عنده إحساس بامسؤليه ... وإحنا واثقين فيكم من 10 سنين واكتر لاعبين جائوا ولاعبين رحلوا وظل الكيان .... بس بطولات قويه = صفر.
تيجوا نشوف الواثق في نفسه بيقول إيه ... الموضوع مش صعب .... الموضوع كله علشان تكون بطل لازم تملك صفه واحدة بس ، هيترتب عليها حاجات كتير ... وهي ... الثقة
قال عنترة بن شداد مفتخرآ بنفسه : أثنى عليّ بما علمتِ فإِنني ... سمح مخالقتي إِذا لم أُظلم ... فإِذا ظُلمت فإِن ظلمي باسل ... مر مذاقه كطعم العلقم ... يخبرك من شهد الوقيعة أنني ... أغشى الوغى، وأَعِف عند المغنم فهنا نرى ((عنترة)) العبسي يفخر بنفسه، ويوجه شعره إِليها، ويتغنى بفروسيته، مطالبًا ابنة عمه بأن تتأكد منها بسؤال الخيل عنه إِن كانت تجهل بطولته، فلتثن على خلقه السمح الكريم الأبي، فهو فارس الملحمة البطل القوي، وهو العف عند المغنم، الفرح بحاجة قومه إِليه ليفرج عنهم شدتهم.
لا تتعجب يا عزيزي الزملكاوى فهذه الأبيات أرى أن لاعبوا نادي الزمالك لو قرأوها وفهموا معانيها لأستفاقوا مما هم فيه الأن فكم من بطولة ضاعت على الفريق بعد ان كانت قاب قوسين أو أدنى منه ولن نذكركم بوقائع لأنكم تعلمونها أكثر من أي أحد فأنتم من تعشقون الكيان ولو كان بأيديكم لدافعتم عنه بأنفسكم .
وقال أحمد شوقي : وما نيل المطالب بالتمنى *** ولكن تؤخذ الدنيا غلابَ
نرجوكم يا من تحملون طموحات جماهير ناديكم العريقه كونوا عند حسن ظننا بكم أرجوكم أن تكونوا على قدر كبير من تحمل المسؤوليه ... أرجوكم الزمالك بيفوق ... أرجوكم ...الزمالك كبير .
وهذه الأشعار رسالة من جمهور بيحب النادي وقت الفرح معاه ووقت الحزن وراه ... قالوا عليهم خونه وقالوا على بعضهم إرهاب ...لكن غلطهم هي إنهم أجمل وأجدع شباب ... قصة حب بدأت منذ الميلاد و ستظل حتى يوم الميعاد. شهدت كوارث وشهدت أمجاد بس اللي شغلهم كان حب الكيان اللي سافروا معاه في كل مكان كسبان او خسران .... بس إتفقوا على حب الكيان
قالوا :♡♡♡♡♡♡♡♡♡♡♡♡ حب الزمالك فى دمـــــى♡ .. حب الزمالك ده همــــــى♡ .. حب الزمالك بيزيح غمى ولا هيكون أبدا قلبك مكسور .. هتعيش يازمالك عصور وعصور .. هتفضل مرفوع الرايه ومنصور وهتعيش يا زملكاوى مبسوط .. ومن قلبى بنقولها بعلو الصوت .. يا زمالك بنحبك بنحبك موووت زمن البطولات راجع وقرب .. ومش هنسيب الفرصه تهرب .. ومن تانى هقول الزمالك حبى .......... لـو لـم يـبـقى مـن الزمــالك إلا أسـمه .. ومـن الشـعـار إلا رسـمه .. لـ بـقيت عـاشق لـه الـى الابــد ........... بحبك يا زمالك حب كبير: مش زى اللاعيبه دى معندهاش ضمير
وفي النهايه احنا ممكن نختلف مع مدرب او لاعب او رئيس النادي او ادارى بالنادي ، لكن مش ممكن نختلف على الحاجه الوحيده اللي بتجمعنا .... حب الكياااااااااان
وزي ما عزيز الشافعي قال : بيني وبينك.. حب حقيقي ...حب بجد .... اصلي بحبك ...حب محدش... حبه لحد انت الغالي... الي بقالي.... سنين بهواه .... ياما فرحني... وياما زعلني...وبرضه معاه
كم من مطبات قد تعترض طريق البطل لكن المطب بيهزه مش بيوقعة ........ العزيمه
( بطل × عزيمه + إصرار + تحدي + مثابره + تعلم + كفااااااااح + ثقه + إحساس بالمسؤلية = بطولة )
يا رب تكون الرساله وصلت ، الهدف مش أبيات شعر بتترص أو كلام معسول بيتقال علشان يهزك
لأ ثم لأ ثم لأ ألف لأ ولكن الهدف بإختصار إن كل واحد من لاعبي فريقنا الغالي هيقرأ الكلام ده سيعلم ما معنى إن جمهور لم يذق طعم البطولة منذ ما يقرب من 10 سنوات ومع ذلك عنده أمل إنه يسمع 3 كلمات ( الزمالك بطل الدوري ) .
ثلاث كلمات ننتظر سماعهم 10 سنوات ... اللي عنده دم أحسن من اللي عنده فلوس ... اللهم قد بلغت اللهم فشهد . # عااااااااااش يا زمالك
