فتح إبراهيم سعيد لاعب المنتخب الأسبق النار على شوقى غريب
المدير الفنى للفراعنة بعد الخسارة من السنغال 2/0 فى أولى جولات التصفيات
المؤهلة لأمم أفريقيا 2015 بالمغرب.
وقال سعيد عبر حسابه الشخصى بموقع التواصل الاجتماعى «تويتر»: "شوقي غريب هتاخدوا منه مبررات لمده شهر تقريبا اطلع قول دي الامكانيات المتواجده حاليا وانك مدرب مش علي قدر المستوي والموقف صعب وانجز بلاش رغي".
وأضاف سعيد: "من اول يوم تم تعيين شوقي غريب قولتلكم انه مش علي قدر مسئوليه تدريب منتخب مصر وانه علي قده والناس هاجمتني وهي دي امكانياته التدريبيه فعلا".
وتحدث عن طبيعة عمل غريب فى التدريب قائلًا: "شوقي غريب كان معانا في المنتخب ياخد ربع ساعه في التمرين كله وياخد الموبيلات ويمسك ورق بتاع محاضره المباراه وبالتوفيق يارجاله وخلاص".
وأكد سعيد أنه جاهز لقيادة دفاع المنتخب بقوله: «اذا احتاجني المنتخب في مباراه تونس انا جاهز ومستعد لخدمه منتخب مصر اي وقت وبلاش مكابره فاضيه في الدفاع ».
