علق عمرو محمود ياسين الفنان والمؤلف، على ما يحدث حالياً داخل جدران نادى الزمالك، عبر حسابه الرسمى على موقع التواصل الاجتماعى "فيس بوك":
وكتب: يا جماعة، صدقوني وبإخلاص شديد بقولها: نادي الزمالك محتاج إدارة تانية خالص. اللي بتعمله إدارة النادي
في جمهوره صعب جدًا، وماحدش يقول لي مالكش دعوة وخليك في نفسك، لإن أنا بعتبر نادي الزمالك جزء من
تكويني كمواطن مصري. وصدقوني، أنا دايمًا بيهمني إني أشوف نادي الزمالك قوي.
أنا مش من الجمهور اللي بيعتبر إن فشل الزمالك وانحداره في المستوى شيء إيجابي أو يسعدني. بالعكس، هو أصلاً
كلما ارتفع مستوى نادي الزمالك ارتفع مستوى النادي الأهلي، وارتفع مستوى كرة القدم في مصر، ما تقوليش روح
قول للخطيب، ولا روح قول للنادي الأهلي هو اللي بيوقعنا، لأن باختصار: طب وحضرتك فين؟
لو اللي بتقوله ده صحيح، أنت كنادي وكمجلس إدارة وكرجال نادي الزمالك.. أنتم فين من ده؟، كل اللي حصل في ملف أحمد زيزو غلط في غلط.
