رفض أحمد حسام ميدو نجم نادي الزمالك السابق هجوم الجمهور بالأمس على ادارة النادي برئاسة حسين لبيب.
المباراة التي كانت في الجولة العاشرة من مسابقة الدوري و انتهت بفوز الزمالك برباعية مقابل هدف.
حيث شنت الجماهير هجوم كبير على ادارة حسين لبيب بسبب تأخر حسم صفقات نادي الزمالك خلال موسم الانتقالات الشتوية في شهر يناير الحالي.
وكتب ميدو عبر حسابه على موقع التواصل الاجتماعي اكس قائلا:
دائما ما أقول أن جمهور الزمالك هو قائد الكتيبة وعنده حس كبير في توجيه رسائله عبر التاريخ وهو من انتشل الفريق من كل محنه بمواقفه الصارمة والحاسمة ودائما ما تكون في التوقيت المناسب!!”.تواجدت بالأمس في الملعب ولم يعجبني أبدا توقيت توجيه الرسائل لمجلس الإدارة كانت الهتافات في الشوط الأول واحنا كسبانين ١-صفر وبعدها على طول حصل تراخي كبير من لاعيبة الزمالك لحد ما استقبلنا هدف التعادل”.
وأضاف: “وتفسيري ان اللاعبين فقدوا تركيزهم وتم إزاحة المسؤولية من على أكتافهم بمجرد سماع هذه الهتافات!! وصل الرسايل اللي انت عايزها بس التوقيت مهم التوقيت المناسب دائما آخر دقايق المباراة وانت كسبان فرق ٢ وضامن النتيجه او بعد نهاية المباراة بقول الكلام ده لإني خايف جدا ان الموقف ده يتكرر ثاني قدام بيراميدز”.
واستكمل: “ولو أتكرر قدام بيراميدز مش هنعرف نكسب وانا بقولكم ماتش بيراميدز هو ماتش الدوري لازم كلنا كزمالكاوية نتحد ونعمل أي حاجه علشان نكسبه لازم ننسى اي زعل من اي حد لمدة كام يوم وكلنا نقف ورا الفرقة وندعمهم وكل واحد من مكانه يعمل اللي يقدر عليه علشان نكسب الماتش ده وبعد الماتش لينا كلام!! اللي يهمني دلوقتي هو الأولويات والأولويات كالتالي: ١- دفع مستحقات اللاعبين قبل مباراة بيراميدز”.
واختتم: “٢- التجديد لجميع اللاعبين اللي جروس طلب التجديد معاهم (بشروط النادي) ولا يوجد لاعب أكبر من الزمالك والتاريخ يشهد، 3 – دعم الفريق بقلب دفاع ولاعب رقم ٦ وجناح لاعيبة بمستوى الزمالك باختيار المدير الفني مش لاعيبة تعبانه زي معظم اللاعيبة اللي جبناهم في فترتين الانتقالات اللي فاتوا!!”
