علق الاعلامى عمرو أديب على الفضائح التحكيمية الكثيرة فى مباراة الاهلى وبيراميدز التى أقيمت امس الأحد.
اللقاء الذى حاول التحكيم مساعدة الاهلى قدر الامكان، لتحقيق الفوز عن طريق طرد لاعب وركلة جزاء وهمية، علق عمرو أديب على ماحدث.
وعبر برنامجه التلفزيونى قال أديب : عندي اقتراح ظريف، هاتوا درع الدورى والأهلى يأخذه من دلوقتى وخلاص، بدل مصاريف ومباريات وجماهير رايحه جايه على الفاضي.. خلوا الاهلى يأخذ الدرع.
خلى اى مشجع أهلاوى يبص هو وقوله قيم لعبة الطرد دى شوف هيقولك ايه، وعايز حد يقولى أحمد توفيق طرد ليه، وبتحصل مع الاهلى وحصلت والحكم مش بيطرد حد.
ضربة الجزاء التي اتحسبت على بيراميدز، ليه .. وانا بدات اقتنع ان تقنية الفيديو اتخلقت علشان الاهلى، مفيش مرة يقول تعالى يا حكم، إلا ويطرد لاعب، ويحسب ركلة جزاء.
المدير الفنى لـ بيراميدز واللاعبين مش مصدقين اللى بيحصل، ايه الجبروت ده فى ايه، .. ايه الموضوع والحكاية دي .. من فضلكم خلوا الدورى والكأس عندكم وريحونا، هو كدا كدا عندكم من السنة اللى فاتت.
وأتم تصريحاته : كدا كدا مش هتكلم عن الزمالك لان الزمالك سيء، والإدارة الحالية مش هتعمل حاجة، ولا هتعمل شيء عظيم.
