علق كمال درويش رئيس النادى الأسبق على ملف تجديد عقد أحمد سيد زيزو، وهو الشغل الشاغل الان لكل ما هو زملكاوى.
كمال درويش فى تصريحات اذاعية له منذ قليل قال : الملف شائك، لكن من رأيي ان من هو خارج الصورة لا يتحدث فى الامر لانه ليس لدية معلومة.
انت مش عارف الدنيا ماشية ازاى جوه النادى، والقرار من المفترض وفق الإمكانيات الموجودة فى النادى، لانى بشتغل وفق امكانياتى.
بالطبع فى احتياج للاعب، وانا ضد رأى الجمهور بتاع احنا جبنا الادارة عشان تدفع، لا هم تولوا المهمة لانهم ناس راقية وناس ناجحة فى شغلها.
بالطبع ممكن يساعدوا لكن مفيش حد هيحط من جيبه علشان الكورة، خاصة أن الكرة فى مصر وهذا أمر معروف لا تحقق ارباح.
وانتقد كمال درويش ما يحدث من الادارة من تسريب الجلسات وما يحدث فيها، مؤكداً ان هذا امر غير مقبول، ومش معقول عضو مجلس ادارة يخرج يسرب للإعلام طلبات النادى المالية.
فى نفس التوقيت أكد كمال درويش أن ما يطلبه زيزو أرقام كبيرة جداً فى ظل أزمة النادى المالية، قائلاً : النادى مفلس دلوقتى وعندة ازمة وصعب جداً الارقام المطلوبة.
وأتم : بالطبع زيزو نجم الفريق، لكن كل شيء لابد وأن يكون وفق إمكانيات النادى.
