علق الإعلامى عمرو أديب على المقارنة الدائرة الان بين أحمد سيد زيزو لاعب نادى الزمالك، وبين طاهر محمد طاهر لاعب الاهلى.
وعبر برنامجه التلفزيونى قال : ازاى يا جماعة تعملوا مقارنة زى دى .. هو انتم بتتكلموا جد، دا طاهر من سنة كان الأهلى هيمشيه، ومكنش بيلعب كورة، صح ولا غلط.
وواصل ساخراً : دا كان انجازه الوحيد انه احتفل بأغنية سطلانه لما الاهلى فاز ببطولة افريقيا، مع شديد الاحترام ليه والله، حد عندة معلومة تانية غير اللى بقولها.. يبقى ازاى تقارنه بـ زيزو.
حتى فى المنتخب عندنا زيزو وعندنا محمد صلاح، ومقارنة زيزو بطاهر مش منطقية.
وأكد أن زيزو لاعب كبير، وموسم الحديث عن تجديد عقد زيزو بدأ وكأن زيزو مش هيلاقى نادى يشتريه لو مشى من الزمالك، موكداً على حد وصفه أن اللاعبين مقامات.
يعنى ينفع تيجى تقول صلاح بياخد كام، كل لاعب وله قيمة تسويقية، مطالباً بعدم إجراء مقارنات غير موضوعية بين اللاعبين.
