علق الإعلامي مينا ماهر المذيع في قناة نادي الزمالك على الجدل الإعلامي بشأن ضربة جزاء الزمالك الصحيحة التي حسمت مواجهة البنك الأهلي في الجولة الأولى من مسابقة الدوري.
هذا الجدل الذي وصل إلى ظهور تسريب مشكوك في صحته خلال حديث غرفة تقنية الفيديو خلال مراجعة تلك الحالة فقط.
مينا ماهر وعبر تصريحاته تلفزيونية من خلال برنامجه عبر قناة نادي الزمالك تحدث قائلا:
كل الأزمات و المشاكل مش بتحصل غير لما الزمــــالك بيسجل و بيكسب في اخر الدقايق، احنا هنا في مصر مش بنتكلم غير علي ضربة جزاء للزمالك او علي الزمالك لحد امتي الكورة هتبقي برة الملعب و جوا الملعب، و في حملات ممنهجة للضغط علي التحكيم بكلام رسمي و خطابات رسمية علي السوشيال ميديا.
وتابع مينا ماهر: انا مشوفتش في الدنيا حد ييجي يقول انا سمعت تسريبات الڤار و لكن التسريبات دي مش بتظهر و مش بتطلع الا في ماتشات الزمــــالك طب نمشي معاكم للاخر التسريبات دي في وقت فوز الزمــــالك بس! لية مفيش تسريبات لاي حاجه في صالح الزمالك مثلا، احنا بنشوف كوارث تحكيمية في مباريات كتيره بس محدش بيتكلم نيجي عند الزمالك بس و كله عايز يتكلم
وتحدث أيضا: سابوا ضربتين جزاء للبنك و اتكلموا عن ضربه جزاء للزمالك طب في ضربه جزاء 100٪ لحسام عبد المجيد انتو فين منها، اهداف الدقيقة 90 تقريباً متنفعش للزمالك لازم لناس معينه
مضيفا: الاسبوع بيتلعب فيه 9 ماتشات منهم 8 ماتشات كلهم زي الفل و ماتش وحيد بس هو اللي فيه الجدل و فيه الأزمات و فيه كل حاجه الناس عايزه تتكلم فيها، طب بعد كده لو في ضربه جزاء صحيحة للزمالك الحكم هيفكر 100 مرة قبل لما يحسبها عشان مش عايز حد يتكلم عنه او يبقي تريند يومين تلاته بسبب ماتش خلصان بقاله 3 ايام مثلا
واختتم: الكورة في مصر تدار باللجان الإلكترونية و الناس مفضوحة اوي يا جماعة.. في حملة ممنهجة علي قائد الزمــــالك التاريخي شيكابالا، المشكله يا جماعة انهم معروفين و كل حاجه بتكون مكتوبه و سكريبت واحد في نفس الوقت يلا دلوقتي نخش علي صورته كلنا في نفس اللحظة و نفس الثانية! دي حملات ممنهجة يا جماعة و انتشرت بشكل مش طبيعي، الكورة في مصر مش جوا ارض الملعب و دي كلمة قولتها و واثق منها.
