وصل الى نادى الزمالك فى الساعات الماضية خطاب يُفيد باستدعاء 5 لاعبين من لاعبى الفريق الاجانب الى منتخبات بلادهم يوم 28 مايو الحالى.
الخطاب فيه استدعاء الخماسي حمزة المثلوثى وسيف الجزيرى والبنيني سامسون أكينولا والأوغندي موتيابا والفلسطيني ياسر حمد كى ينضموا الى معسكرات منتخب بلادهم يوم 28 مايو.
28 مايو اى قبل موعد الاجندة الدولية بأسبوع واحد، وهو ما رد عليه نادى الزمالك بخطاب لاتحاد الكرة المصرى يطلب تأجيل مباراة الزمالك وبروكسي فى دور الـ 32 من بطولة كأس مصر.
حيث استدعاء الخماسي مع استدعاء اللاعبين المحليين لقائمة مصر فى نفسس اليوم أمر صعب جداً، لذا طلب التأجيل.
وتبقى كلمة للمصلحة العامة : مش عارف ليه اللغبطة دى عندنا احنا وبس، الفيفا محدد مواعيد محددة للاجندة الدولية، وتجمع للمنتخبات، ايه بقى لزوم العك دا كله، ما نلعب مباريات كأس مصر فى موعدها وبعدها اللاعبين الى معسكر المنتخب زى العالم كله.
وكمان لازم الكابتن حسام حسن المدير الفنى للمنتخب يبعد شوية عن الفكر القديم بتاع تجميع اللاعبين فى معسكرات طويلة، وايقاف الدورى والكلام دا، الدنيا اتغيرت خلاص.. ولنا الله
