علق أيمن يونس نجم الزمالك الاسبق، على هزيمة الزمالك منذ قليل من فريق سموحة فى مباراة من مباريات الدورى المصرى الممتاز، ومنافسات الاسبوع الـ 21.
الزمالك تلقى هزيمة بهدف نظيف، من سموحة فى اللقاء الذى أقيم وانتهى على أرضية ملعب استاد برج العرب بمدينة الاسكندرية.
أيمن يونس وفى تعليق على اللقاء أكد انه الان لا يستطيع توجية اللوم الى البرتغالى جوميز ولا يستطيع الحديث عنه حتى لا يُصاب بحالة من التوتر قبل النهائى الافريقى.
وواصل : خاض لقاء سموحة بطريقة مختلفه، وانا معرفش حاجة اسمها أريح لاعيبة فى الدورى، انت كدا ممكن تعدم فرص اى منافسة فى الدورى.
جوميز كان متوتر وغلط ولازم يفهم ان الزمالك بيلعب على البطولات، والفوز وبس، ومش هقدر اتكلم اكتر من كدا علشان عندنا بطولة مهمة.
احنا فى ضهر الفريق واللاعبين، وأياً كان الاسباب جوميز غلطان او لا، هنقفل الصفحة دى ونركز فى الكونفدرالية عندنا مباراة مهمة.
أى لقاء بتكون نتيجته لها تاثير إما إيجابى او سلبى، والزمالك كان محتاج يكسب علشان الثقة تبقى عند اللاعبين موجودة، لان النواحى النفسية مهمة جداً.
التشكيل اللى بدا بيه جوميز زعلنا أوى، ولازم نتكلم ولازم جوميز يسمعنا، لكن أهم مشهد هو وعى الجماهير اللى شجعت اللاعبين بعد المباراة رغم الهزيمة.
