انتقد الناقد الرياضى عمرو الدردير تجاهل الاعلام المصرى لحدث حدث بالامس فى ملعب انفيلد ملعب نادى ليفربول الانجليزى.
حيث تواجد مؤذن فى ملعب المباراة وتواجد جماهير كثيرة مسلمة فى الملعب، فى حدث تحدث عنه الاعلام فى انجلترا، ولم يتحدث عنه الاعلام المصرى، ليعلق الدردير على هذا الامر.
وعبر صفحته الشخصية على موقع التواصل الاجتماعى فيس بوك كتب عمرو الدردير معلقاً :
محدش من الصحافة المصرية ولا الصفحات الرياضية الكبيرة اتكلم عن الحدث العظيم اللي حصل امبارح في ملعب انفيلد، لما جابو مؤذن يأذن امبارح في قلب الملعب وجماهير كتير مسلمة حضرت في المدرجات.
حدث كبير وعظيم والأسطورة محمد صلاح هو سبب كبير في الحدث ده بعد ربنا طبعاً، بس في ناس مش حابه تشوف ده ولا تقول ده وطبعا كلنا عارفين ليه.
اي حد شايف غير كدا يروح يتعالج احسن، انت هنا حتي لو مشكلتك مع شخص ومش معترف بنجاحه ممكن نعديها ، لكن دي حاجه تخص دينك وبتحصل لأول مره في التاريخ يعني حدث عظيم وكبير جدا ولازم تفتخر بـ صلاح واللي عمله وبيعمله وتفتخر بدينك الجميل اللي ببنتشر اكتر واكتر بسبب واحد مصري زي محمد صلاح
