أرجع الإعلامى كريم حسن شحاتة, حالة الإستقرار فى فريق الزمالك حالياً, برحيل الثلاثى أحمد حسام ميدو وعمرو زكى وشيكابالا .
ورحل الثلاثى عن الزمالك فى الصيف الماضى, حيث إنضم ميدو لبارنسلى الإنجليزى وزكى لإلإيجسبور التركى وشيكابالا للوصل الإماراتى .
وقال شحاتة " وجود التلاتة مع بعض فى وقت واحد داخل الزمالك كان عامل مشاكل, أما ميدو كان بيعلب كان كلام بين اللاعيبة إشمعنى هو وعمرو زكى ومشكلة مستحقاته وشيكابالا والمشكلة اللى حصلت قبل مايمشى وإنه مرضيش يسافر فى أفريقيا " .
وأوضح أن ممدوح عباس رئيس الزمالك مُحق فى رفض عمرو زكى, مضيفاً بقوله " كان لازم الناس ترفض لإن عمرو زكى كان مُصمم يمشى ومش قادر أقعد فى الزمالك وهتنازل عن مستحقاتى وعندى عروض كتير رغم إن الناس متمسكة بيه, ودلوقتى أما راح تركيا ومنجحش وعاوز يرجع لازم الناس ترفض لإنه كان عامل مشاكل فى الفرقة " .
وأكد أن ميدو أفضل محترف فى تاريخ مصر, ولكنه غير قادر على إستعادة فورمته المعهودة منذ 3 سنوات, وإذا تواجد الثلاثى مع الزمالك, دون تجاوز حدود أنهم لاعبين فقط, لأضافوا الكثير للفريق .
وأشار إلى أن عدم وجود الثلاثى فى الفريق بما يتبع ذلك من وجود أزمات, فرض نوع من الهدوء بين اللاعبين .
وتابع " اللاعيبة بتغير, يعنى أما يلاقوا شيكابالا بيتعامل بطريقة معينة أو أما يغيب عن تمرين ويلعب بيتكلموا مع بعض, وربنا مبيكرمش " .
ويرى شحاتة أن الإدارة فى الزمالك فشلت فى إحتواء أزمة شيكابالا مع المعلم .
