أعلن محمد رمضان هتلر لاعب فريق كرة اليد بالنادى، اعتزاله كرة اليد، بعد فترة كبيره قضاها فى صالات كرة اليد بنادى الزمالك.
وعبر صفحته الشخصية على موقع التواصل الاجتماعى فيس بوك كتب هتلر قائلاً :
اتخذت أصعب قرار ممكن لاي رياضي بيعشق لعبته وناديه انه ياخده، وبعد تفكير كبير وتردد أكبر من كتر ما زمايلي طلبوا ارجع عن قراري بس الحقيقة انا شايف ان ده الوقت المناسب وخلاص عاوز ارتاح.
وخصوصا اني تعبت وقدمت كل اللي اقدر عليه واللي ما قدرتش عليه وربنا يعلم خدت قد ايه من بيتي وصحتي وربنا يعلم اني اخلصت فيها عشان بحبها وبحب اعظم نادي في الكون.
وكان له الفضل بعد ربنا في اللي وصلت له وفي تكوين شخصيتي, هتوحشوني وخلاص هبقى واحد منكم من النهاردة يا أعظم جمهور في الدنيا.
