|
ينتظم أحمد مجدى لاعب الزمالك, فى تدريبات فريقه الأربعاء القادم, بعدما كان يتغيب لمُعاناته من الإصابة فى الظهر
.
وقال مجدى " كان عندى شد فى عضلات ضهرى وكنت محتاج راحة كبيرة, ومن يوم الحد بجرى خفيف وكل يوم بزود شوية, ودلوقتى أحسن وهنزل التمرين يوم الأربع " .
وأثنى مجدى على مستوى الزمالك فى وديتى شاختار الأوكرانى وزينيت الروسى بمعسكر الإمارات قائلاً " من أكتر المرات اللى إتفرجت على الزمالك فيهم وكنت مستمتع بالآداء, اللاعيبة فايقة وكنا بنلاعب فرق أوروبية وإحنا زيهم, وده أحسن إستعداد للدورى لو رجع فى فبراير " .
وأوضح أن المدير الفنى البرتغالى جورفان فييرا يُعامله بكل إحترام, كاشفاً عن تحدثه معه قبل سفر الفريق فى الإمارات, حول أزمة الإقامة التى تسبتت فى تخلفه عن العودة مع البعثة, وموضحاً أنه يعتمد عليه فى وسط الملعب أو الدفاع .
وتمسك مجدى بإرتداء القميص رقم 14 فى الزمالك قائلاً " أحمد عيد مكلمنيش شخصياً وفوجئت إنه إتصور بيه, لكن الموضوع مش يعدى عادى يعنى, أنا معرفوش شخصياً لكن لعبنا ضد بعض كتير وهو لاعيب كويس جداً وهيفيد النادى جداً, ومفيش مشاكل بينى وبينه " .
وتابع " هو كلم ناس يكلمونى, لكن أنا من حقى كلاعيب أحب الرقم بتاعى, اللى أنا بلعب بيه من ساعة ما بدأت مع الأهلى وفى اليونان " .
وزاد مجدى قائلاً " أنا سبت 14 لميدو عشان هو كابتنى وأقدم منى, وكلمنى ومقدرش أقوله لا, ولو كنت روحت الحرس مكنتش هقدر آخد من عيد الرقم " .
وأتم تصريحاته موضحاً أن أزمة قيده مع الزمالك إنتهت, وبات من حقه المشاركة مع الفريق فى المسابقات المحلية .
شاهد الفيديوهات
|
