إنتقد الإعلامى سيف زاهر فى برنامج " الملاعب اليوم " على الحياة 2, كثرة سفر البرتغالى جورفان فييرا المدير الفنى للزمالك للإمارات .
وقال زاهر " المدير الفنى موظف داخل نادى الزمالك, اللى هو إسم كبير واللى بيحصل مينفعش, مينفعش إننا نطبطب على الراجل بالشكل ده, يروح مع الفرقة وميرجعش يروح ويغيب أسبوع " .
وأضاف " ده شعور بيتصدر للاعيبة, هتكلم اللاعيب إزاى أما ميرجعش أو ميلتزمش وإنت جايب مدير فنى بالمنظر ده, محسس الناس إنه كتر خير الدنيا إنى ماسك نادى الزمالك " .
وطالب بضرورة وجود إلتزام وإحترام سواء مع اللاعب أو المدرب, مضيفاً بقوله " كل الكلام اللى بنقوله على فييرا ولسه مفيش ماتشات, أومال الراجل ده أما يخش فى الجد هيعمل إيه ؟! " .
