|
أوضح د.عبد الله جورج رئيس لجنة التعاقدات بالزمالك, أن صلاح عاشور مهاجم الشرطة نقض إتفاقه معه للإنضمام للقلعة البيضاء .
وكان الزمالك يرغب فى إستعارة عاشور من الشرطة لمدة موسم, غير أن اللاعب أرجع فشل الصفقة لتعنت مسئولى ناديه .
وقال جورج " أنا روحت نادى الشرطة مع المدير المالى ومعانا الشيكات عشان نخلص, وهو اللى مخلصش, لاعب مقدرش قيمة إنه هيلعب فى نادى الزمالك .
وأضاف " هو بعتلى رسالة بعد ماكلمته, إنه لازم ياخد فلوس كاش أما يمضى, وبعدين إبتدى يتمحك فى الفلوس اللى إتفقنا عليها, لكن هو غير صادق فى تصريحاته وهو اللى خسران, وإذا كان هو مش مقدر قيمة إنه هيلعب فى نادى الزمالك يبقى ميلزمش نادى الزمالك ", مشيراً إلى أن الصفقة أصبحت أهميتها معدومة بعد إنتهاء القيد الأفريقى أمس, مُتسائلاً " مافائدة إنى أجيبه ويبدأ يلعب معايا فى دور الـ16 ؟! " .
وكشف عن تعثر صفقة ضم أيمن حفنى لاعب طلائع الجيش, بسبب عدم الإتفاق المالى مع ناديه, مُكملاً بقوله " اللى مش من قلبه هيموت إنه يلعب فى نادى الزمالك ميلعبش " .
وتابع جورج قائلاً أنه بعد إنتهاء القيد الأفريقى, أصبح هناك متسع من الوقت لإنهاء باقى الصفقات الشتوية للزمالك, مشيراً إلى أنه لن يُعلن الأسماء التى يرغب فى التعاقد معها, حتى لا تهرول الأندية المُنافسة للتعاقد مع اللاعبين الذين يفاوضهم .
وعقّب جورج على التجديد لرباعى الفريق بقوله " همضيهم, واللى مش عاوز يلعب فى نادى الزمالك ميلعبش فى نادى الزمالك, اللى مش هيقدر قيمة الجمهور ده ويحط النادى وجمهور على دماغه, ويبقى عارف يعنى إيه هو بيلعب فى نادى الزمالك ومش عارف يعنى إيه قيمة نادى الزمالك والقامة اللى هو منتمى ليها ميقعدش فى نادى الزمالك ", مشيراً إلى أنه يجب على الجميع إستيعاب تغير الظروف فى الوقت الحالى عن السابق .
شاهد الفيديوهات
|
